اسلام آباد(مانیٹرنگ ڈیسک)احتساب عدالت نے العزیزیہ اور فلیگ شپ ریفرنسز پر محفوظ فیصلہ سنا دیا،نجی ٹی وی کے مطابق عدالت نے نوازشریف کو العزیزیہ ریفرنس میں 7 سال قید و جرمانے کی سزا سنادی جبکہ فلیگ شپ ریفرنس میں بری کردیا گیا،عدالت نے نیب کو نوازشریف کی گرفتاری کی اجازت دیدی۔نیب نے نوازشریف کو حراست میں لے لیا،نوازشریف کو کمرہ عدالت سے حراست میں لیا گیا۔دریں اثنا اس سے پہلے جی الیون سگنل پر ن لیگ

کے کارکنوں پر پولیس کی شیلنگ، کارکنوں کی جانب سے اینٹوں اور پتھروں سے جواب دیا گیا۔ تفصیلات کے مطابق نواز شریف کاقافلہ گزرنے کے بعد جی الیون سگنل پر ن لیگ کے کارکنوں پر پولیس کی شیلنگ کے بعد کارکن مشتعل ہو گئے ہیں اور انہوں نے پولیس پر پتھرائو شروع کر دیا ہے۔ کارکنوں کی جانب سے اینٹیں اور پتھر پولیس والوں پر برسائے جا رہے ہیں جبکہ پولیس اہلکار آنسو گیس کے شیل اور پتھر مار رہے ہیں۔