اسلام آباد (مانیٹرنگ ڈیسک)  نواز شریف کیخلاف نیب ریفرنسز کا فیصلہ آج سنایا جائے گا جس کیلئے تیاریاں مکمل کر لی گئی ہیں ۔اس موقع پر سیکیورٹی کے بھی سخت انتظامات کئے گئے ہیں۔دوسری جانب فیصلہ آنے سے قبل مختلف صحافی اور سیاستدانوں کی جانب سے تبصروں کا سلسلہ جاری ہے تاہم معروف صحافی صابر شاکر نے اس حوالہ سے کچھ ایسا تبصرہ کیا ہے کہ مسلم لیگ (ن) والے پریشان ہوجائینگے۔انہوں نے سماجی رابطوں کی ویب سائٹ پر جاری اپنے پیغام میں لکھا ”العزیزیہ،فلیگ شپ  ریفرنسز میں بھی فیصلہ

ایوین فیلڈ سے مختلف نہیں ہو گا بلکہ اس سے بھی کچھ زیادہ سخت۔ قید، جرمانے کیساتھ ساتھ پراپرٹی بھی ضبط ہو سکتی ہے کیونکہ سچ نہیں بولا اور سچ کو چھپانے کیلئے جھوٹ کا سہارا لیا۔“دوسری جانب سینئر سیاست دان جاوید ہاشمی نے پیش گوئی کی ہے کہ نواز شریف کو نیب ریفرنسز کیس میں سزا ہوگی کیونکہ ادارے ان کے خلاف کیسز کو غلط ثابت نہیں ہونے دیں گے۔ نیب کا مقصد سیاستدانوں سے ان کی وفاداریاں تبدیل کروانا ہے۔انہوں نے کہا کہ اگر نواز شریف کو سزا ہوئی تو میں یہ فیصلہ منظور نہیں کروں گا۔

موضوعات:صابر شاکر نیب ریفرنسز