لاہور(نیوزڈیسک ) وزیراعظم عمران خان کی طرف سے ایک بارپھر بھارت کے سابق کرکٹراورمشرقی پنجاب کے وزیرنوجوت سنگھ سدھو کو دوبارہ پاکستان آنے کی دعوت دی گئی ہے جو انہوں نے قبول کرلی ہے ۔ میڈیا رپورٹس کے مطابق نوجوت سنگھ سدھو نے اس بات کی تصدیق کی کہ انہیں ان کے دوست اورپاکستان کے وزیراعظم عمران خان کی طرف سے 28 نومبرکو دورہ پاکستان کی دعوت دی گئی ہے جو انہوں نے قبول کرلی ہے ۔
انہوں نے کہا عمران خان ان کا دوست ہے وہ جب بھی بلائے گا میں پاکستان آؤں گا اب جبکہ پاکستان کرتارپور کوریڈور کھولنے کا وعدہ پورا کرنے جارہا ہے انہیں گھٹنوں کے بل چل کربھی پاکستان آنا پڑا تو وہ آئیں گے ۔نوجوت سنگھ سدھو نے کہا وہ اپنی خوشیاں الفاظ میں بیان نہیں کرسکتے ، دوسری طرف وفاقی وزیراطلاعات فوادچوہدری نے بھی نوجوت سنگھ سدھو کیدوبارہ پاکستان آنے کی تصدیق کی ہے۔ نوجوت سنگھ سدھو کا رواں سال کے دوران پاکستان کا یہ دوسرا دورہ ہوگا۔ اس سے قبل وہ اگست میں وزیراعظم عمران خان کی حلف برداری تقریب میں شرکت کیلئے پاکستان آئے تھے ۔ اسی موقع پرپاکستان آرمی چیف نے نوجوت سنگھ سدھوکوگلے لگاکر کرتارپور کوریڈورکھولنے کی خوشخبری دی تھی ۔ نوجوت سنگھ سدھو کے دورہ پاکستان پرانہیں بھارت میں سخت تنقیدکانشانہ بنایا گیا تاہم وہ اپنے موقف پرڈٹے رہے اوراب ان سے کیاگیا وعدہ پوراہونے جارہا ہے،سدھو کی جانب سے پاکستان کے دوبارہ دورے کے اعلان کے بعد ایک بار پھر سوشل میڈیا پر انتہاپسند ہندوؤں نے سدھو پرتنقید کا سلسلہ شروع کردیا ہے ۔ وزیراعظم عمران خان کی طرف سے ایک بارپھر بھارت کے سابق کرکٹراورمشرقی پنجاب کے وزیرنوجوت سنگھ سدھو کو دوبارہ پاکستان آنے کی دعوت دی گئی ہے جو انہوں نے قبول کرلی ہے ۔ میڈیا رپورٹس کے مطابق نوجوت سنگھ سدھو نے اس بات کی تصدیق کی کہ انہیں ان کے دوست اورپاکستان کے وزیراعظم عمران خان کی طرف سے 28 نومبرکو دورہ پاکستان کی دعوت دی گئی ہے جو انہوں نے قبول کرلی ہے ۔
