کراچی (مانیٹرنگ ڈیسک)(ن) لیگ کے سینئر رہنما اور سابق گورنر سندھ محمد زبیر نے کہا ہے کہ وزیراعظم اسرائیل کو تسلیم کرنے کا مطالبہ کرنے والی رکن اسمبلی کیخلاف ایکشن لیں،عمران خان بتائیں ان کی حکومت کا ایجنڈا کیا ہے؟کراچی میں  پریس کانفرنس کرتے ہوئے انہوں نے کہا کہ فالودے والے کے اکاؤنٹ کے بانی اور آف شور کمپنیز کے بانی جہانگیرترین ہیں۔اسی طرح مالی اور باورچی کے نام پربھی اکاؤنٹ جہانگیرترین نے کھلوائے ہیں۔علیمہ خانم جب خود

قبول کررہی ہیں کہ فلیٹس ان کے ہیں پھرانکوائری کیوں نہیں ہورہی ۔انہوں نے کہا کہ عمران خان نے پرویز الٰہی کو سب سے بڑا ڈاکو قرار دیا لیکن وہ اسپیکر پنجاب اسمبلی ہیں۔پرویز الہٰی کا احتساب کیوں نہیں کیا جاتا۔ عمران خان کوقوم سے جھوٹ بولنے پرمعافی مانگنی چاہیے۔ حکومت بری طرح ناکام ہوچکی ہے۔ مراد سعید کہتے تھے پہلے 200 ارب ڈالر آئیں گے۔ کہاں ہیں وہ ڈالرز؟ ہم چورڈاکو کے الفاظ استعمال نہیں کرنا چاہتے لیکن پی ٹی آئی نے خود ہمیں یہ کہنے پر مجبور کردیا۔