اسلام آباد(مانیٹرنگ ڈیسک)آرمی چیف جنرل قمر جاوید باجوہ 58 برس کے ہو گئے میڈیا رپورٹس کے مطابق جنرل قمر جاوید باوجوہ گزشتہ روز 58 برس کے ہوگئے ۔جنرل قمر جاوید باجوہ 11نومبر1960 کو کراچی میں پیدا ہوئے ۔آپ جٹ فیملی سے تعلق رکھتے ہیں ، ان کے والد لیفٹیننٹ کرنل محمد اقبال باجوہ بھی پاک فوج کے سینئر افسر تھے ان کی وفاقت 1967 میں دوران سروس کوئٹہ میں ہوئی ۔جنر ل قمر جاوید باجووہ اس وقت صرف سات بر س کے تھے جب ان کے والد کا انتقال ہوااور یہ پانچوں بہن بھائیوں میں سب سے چھوٹے ہیں ۔
جنرل قمر جاوید باجوہ کے سسر اعجاز احمد بھی پاک فوج کے افسر تھے جو کہ میجرجنرل کے رینک سے ریٹائر ہوئے ۔جنرل قمر جاوید باجوہ نے اپنی ابتدائی تعلیم سرسید کالج اور گورڈن کالج راولپنڈی سے 1978 میں حاصل کی اور اس کے بعد انہوں نے 1980 میں پاک فوج میں شمولیت اختیار کی ۔انہوں نے 29 نومبر 2016 کو آرمی چیف کا چارج سنبھالا، فوربز میگزین کا کہناہے کہ وہ دنیا کے 68 ویں بااثر شخصیت کا درجہ رکھتے ہیں ۔واضح رہے کہ گزشتہ روز ہی ان کے بیٹے رشتہ ازدواج میں منسلک ہوئے ہیں۔
