ملتان (مانیٹرنگ ڈیسک)صدر پاکستان عارف علوی کی ملتان انٹری نے میٹرو سروس بند کروا دی ۔ تفصیلات کے مطابق صدر مملکت جناب عارف علوی گزشتہ روز ملتان کے دورے پر آئے جس کی وجہ سے میٹرو کو بند کر دیا گیا ، میٹرو سروس بند ہونے کی و جہ سے عوام کو شدید پریشانی کا سامنا کرنا پڑ گیا ۔ شہری سیکورٹی نام کے پر تنگ ہوتے رہے ، طلبا وطالبات اور دفاتر کے ملازمین بھی سخت پریشانی سے دو چار ہوئے کیونکہ میٹرو سروس بند کر دی گئی تھی ۔ میٹرو سروس کے بند ہوتے ہی عوام شدید
غصے میں آگئی اور صدر مملکت کیخلاف شدید نعرے بازی اور ردعمل کا اظہار کرتے ہوئے کہا ہے کہ تحریک انصاف کی حکومت ہمیشہ پروٹوکول کیخلاف نعرے لگاتی رہی جبکہ اب ان کی اپنی حکومت ہے تو ان نعروں کو وہ کیسے بھول گئی ہے؟۔ یاد رہے کہ اس سے قبل صدر مملکت ڈاکٹر عارف علوی کی اہلیہ کے پروٹوکول لینے کی ویڈیو وائرل ہو گئی تھی جنہیں ائیر پورٹ سے نکلتے ہی قطار میں لگی گاڑیوں کی جانب بڑھتی ہیں اور ان میں سے ایک گاڑی میں سوار ہو تا دیکھا گیا تھا ۔
