اسلام آباد (آئی این پی)صدر مملکت ڈاکٹر عارف علوی نے کہا ہے کہ پاکستان کشمیر اور فلسطین میں مظالم کو دنیا کے سامنے لایا ہے‘ اسرائیل کے ساتھ کسی قسم کے تعلقات استوار نہیں کئے جا رہے، اسرائیلی طیارے کی پاکستان آمد سے متعلق رپورٹ بے بنیاد ہے‘سعودی عرب دوست ملک ہے ‘مشکل وقت میں مدد ‘صحافی جمال خاشقجی کے قتل کی مکمل تحقیقات ہونی چاہیے‘سندھ میں گورنر راج کی خبروں میں صداقت نہیں،
سندھ کی ترقی کے لیے حکومت کے ساتھ تعاون کریں گے، سندھ میں زرداری صاحب سے مل کر بہتری لانا چاہتے ہیں‘ڈالرہماری حکومت بننے سے پہلے بھی 128روپے کاتھا‘ملک کومالی بحران سے نکالنے میں کچھ وقت لگے گا۔ وہ اتوار کو 3 روزہ دورہ پر ترکی روانگی سے قبل میڈیا سے گفتگو کررہے تھے۔ ڈاکٹر عارف علوی کاکہنا تھا کہ ترکی پاکستان کا اہم دوست ملک ہے، ترکی میں دنیا کا بڑا ایئر پورٹ تعمیر ہوا ہے، اس کی افتتاحی تقریب میں شریک ہوںگا۔انہوں نے کہا کہ کئی سازشوں کے باوجود ترکی میں جمہوریت چل رہی ہے، پاک ترک تعلقات کی بہتری کے لیے ملاقاتیں بھی ہوںگی، ترکی نے کشمیر سمیت ہر معاملے پر پاکستان کا ساتھ دیا۔صدر مملکت کا کہنا تھا کہ وزیراعظم جلد چین جائیں گے اور مزید سرمایہ کاری پر بات ہوگی۔انہوں نے کہا کہ سعودی عرب ہمارا دوست ملک ہے اس نے مشکل وقت میں ہماری مدد کی، صحافی جمال خاشقجی کے قتل کے واقعے کی مکمل تحقیقات ہونی چاہیے، جمال خاشقجی کے قتل کا معاملہ منطقی انجام تک پہنچایا جائے۔صدر مملکت ڈاکٹر عارف علوی نے کہا کہ پاکستان کشمیر اور فلسطین میں مظالم کو دنیا کے سامنے لایا ہے، اسرائیل کے ساتھ کسی قسم کے تعلقات استوار نہیں کئے جا رہے، اسرائیلی طیارے کی پاکستان آمد سے متعلق رپورٹ بے بنیاد ہے۔ڈاکٹر عارف علوی نے کہا کہ سندھ میں گورنر راج کی خبروں میں صداقت نہیں، سندھ کی ترقی کے لیے حکومت کے ساتھ تعاون کریں گے، سندھ میں زرداری صاحب سے مل کر بہتری لانا چاہتے ہیں۔ان کا کہنا تھا کہ پی ٹی ا?ئی کی حکومت مضبوط حکومت ہے،ملک میں معاشی بحران کاسامناہے،سابق حکومتوں کے باعث مشکلات ہوئیں، جلدمشکل دورسے نکل جائیں گے،ڈالرہماری حکومت بننے سے پہلے بھی 128روپے کاتھا،ملک کومالی بحران سے نکالنے میں کچھ وقت لگے گا۔
