اسلام آباد (مانیٹرنگ ڈیسک) شہباز شریف سے نواز شریف کا یہ مطالبہ بے رحمانہ اور غلط ہے، شہباز شریف کی اہلیہ تہمینہ درانی نے کھری کھری سنا دیں، تفصیلات کے مطابق وزیراعلیٰ شہباز شریف کی اہلیہ تہمینہ درانی نے کہا ہے کہ میاں نواز شریف اگر ریلی کے بجائے عوام سے خطاب کر لیتے تو اچھا تھا۔

سماجی ویب سائٹ ٹوئٹر پر شہباز شریف کی اہلیہ تہمینہ درانی نے اپنے ٹوئٹ میں کہا ہے کہ وزیراعلیٰ پنجاب شہباز شریف کو اپنی پارٹی کی ریلی میں دو کام کرنے پڑ رہے ہیں ایک تو میاں نواز شریف کی حفاظت اور دوسرا ان کی معاونت۔ تہمینہ درانی نے کہا کہ اگر مجھ سے مشورہ لیا جاتا تو میں یہی مشورہ دیتی کہ آپ عوام سے خطاب کر لیں، ریلی نہ نکالیں۔ کیونکہ ابھی وزیراعلیٰ پنجاب شہباز شریف بہت متنازعہ صورتحال میں ہیں۔ تہمینہ درانی نے مزید کہا کہ شریف خاندان میں کوئی تفرقہ نہیں ہے، میرا ماضی ثابت کرتا ہے کہ میں ہمیشہ آزادانہ رائے کا اظہار کرتی ہوں، انہوں نے مزید کہا کہ شہباز شریف آج کی حفاظت کے ذمہ دار ہیں، یہ ایک بے رحمانہ مطالبہ ہے۔وزیراعلیٰ پنجاب کی اہلیہ تہمینہ درانی نے اپنے ٹویٹ میں کہا کہ شہبازشریف ریلی حفاظت اور معاونت دونوں کام بخوبی کررہے ہیں۔نوازشریف نے ریلی نکال کرشہبازشریف کومشکل میں ڈال دیاہے۔واضح رہے کہ آج مسلم لیگ (ن) کے قائد اور سابق وزیراعظم محمد نوازشریف اسلام آبادسے براستہ جی ٹی روڈ قافلے کی شکل میں لاہورکیلئے رواں دواں ہے۔ نوازشریف کاقافلہ پنجاب ہاؤس سے راولپنڈی پہنچ گیا ہے۔

موضوعات:تہمینہ درانی