اسلام آباد (مانیٹرنگ ڈیسک) عائشہ گلالئی کے ساتھ اب عائشہ احد بھی، ن لیگ کا مبینہ وار الٹا پڑ گیا، تفصیلات کے مطابق لاہور میں تحریک انصاف کی رہنما فردوس عاشق اعوان اور یاسمین راشد نے عائشہ احد کے ہمراہ پریس کانفرنس کی، اس پریس کانفرنس میں

عائشہ احد کا کہنا تھا کہ گزشتہ 7 سال سے عدالتوں کے چکرکاٹ رہی ہوں۔ عائشہ احد نے کہا کہ میرے پاس بھی سب کے پیغامات موجود ہیں۔ عائشہ احد نے پریس کانفرنس کے دوران سوال کیا کہ کیا میں کسی کی بہن اور بیٹی نہیں؟ عائشہ احد نے مطالبہ کیا کہ ایک پارلیمانی کمیٹی عمران خان اورگلالئی کے لیے بنائی گئی ہے دوسری کمیٹی میرے اورحمزہ شہبازکے لیے بھی بنائی جائے۔ عائشہ احد نے میاں نواز شریف سے سوال کرتے ہوئے کہا کہ میاں صاحب اپنے گھر کی بہو کے لیے کمیٹی کب بنائیں گے؟ عائشہ احد نے کہا کہ 2010 میں حمزہ شہباز سے میری شادی ہوئی، انہوں نے کہا کہ نہ ہی میری ڈیمانڈ پیسہ ہے اور نہ ہی میں کسی سیاسی جماعت کا حصہ ہوں۔ عائشہ احد نے دعویٰ کرتے ہوئے کہا کہ میرے اور حمزہ شہباز کے معاملات کا نوازشریف اورکلثوم نوازکو بھی پتا ہے اور میرے پاس حمزہ شہباز کے خلاف ثبوت ہیں اور یہ ثبوت میں الیکشن کمیشن میں دوں گی، اس موقع پر تحریک انصاف کی رہنما فردوس عاشق اعوان نے کہا کہ قانون سب کے لیے ایک جیسا ہونا چاہئے۔