اسلام آباد (مانیٹرنگ ڈیسک) عائشہ گلالئی کے بعد عائشہ احد کے حمزہ شہباز پر الزامات کا معاملہ بھی بڑھ گیا، عمران خان نے بڑا مطالبہ کر دیا، پاکستان تحریک انصاف کے چیئرمین عمران خان نے عائشہ احد کی جانب سے حمزہ شہباز شریف پر لگائے جانے والے الزامات پر اپنے پیغام میں کہا کہ کیا حمزہ شہباز کے خلاف الزامات کی تحقیقات کے لیے پارلیمانی کمیٹی بنائی جائے گی یا پھر نئے وزیراعظم شریفوں کے درباری ہیں۔ عمران خان کے مطابق نئے وزیراعظم کا پہلا امتحان ہے یہ ہے کہ وہ عائشہ احد کے الزامات کی کی تحقیقات کے لیے کمیٹی بناتے ہیں یا پھر وہ ہمیشہ
کی طرح شریفوں کے درباری ہی رہیں گے اور عائشہ احد کی جانب سے حمزہ شہباز پر لگائے جانے والے الزامات اور پنجاب پولیس کے تشدد کو نظر انداز کر دیں گے، یہاں یہ وضاحت ضروری ہے کہ عائشہ احد نے بھی اپنی پریس کانفرنس میں انکشاف کیا ہے کہ ان کے پاس شریف خاندان کی جانب سے بھیجے گئے پیغامات موجود ہیں اور وہ الیکشن کمیشن میں جا کر حمزہ شہباز کے خلاف ثبوت فراہم کریں گی۔ تحریک انصاف کے چیئرمین عمران خان نے کہا کہ عائشہ احد کو انصاف دلانے کے لیے خواتین کے حقوق کے لیے سرگرم تنظیموں کو اپنا کردار ادا کرنا چاہیے۔
