اسلام آباد (مانیٹرنگ ڈیسک) کسی کا فون ہیک کر کے اس کے نمبر سے کسی دوسرے شخص کو اپنی من پسند تاریخ میں میسج کرنا عین ممکن ہے۔ پاکستان میں بھی موجود ہیکرز ایسا کر سکتے ہیں۔ نجی ٹی وی چینل کے پروگرام میں معروف صحافی مبشر لقمان نے عائشہ گلالئی اور عمران خان کے میسجز سے متعلق تمام تر کہانی بیان کر دی ۔
مبشر لقمان نے اپنے پروگرام میں ایک سینئر اینکر کو مدعو کیا جنہوں نے بتایا کہ کسی کا فون ہیک کر کے اس کے نمبر سے کسی دوسرے شخص کو اپنی من پسند تاریخ میں میسج کرنا ممکن ہے۔مبشر لقمان کا کہنا تھا کہ اگر ہیکرز ایسا کر سکتے ہیں تو عین ممکن ہے کہ عائشہ گلالئی کے عمران خان پر عائد کیے جانے والے الزامات بھی غلط ہوں انہوںنے لائیو پروگرام میں اپنے پروڈیوسر کے موبائل پر سافٹ وئیر کا استعمال کرتے ہوئے عمران خان کے نمبر سے میسج بھیج کر بھی دکھایا۔ پروگرام میں مزید کیا کچھ باتیں ہوئیں آئیے آ پ بھی سنئے۔
