اسلام آباد(مانیٹرنگ ڈیسک)عائشہ گلالئی کے الزامات، عمران خان کے ماضی کے دوست ایازصادق کے ردعمل نے سب کو حیران کردیا،سپیکرقومی اسمبلی ایاز صادق نے عائشہ گلالئی کے عمران خان پر لگائے گئے الزامات پر کارروائی سے معذرت کر لی ہے اور کہا ہے کہ جب یہ معاملہ باضابطہ طور پر ان کے سامنے آئے گا تو قانون کے مطابق دیکھیں گے ۔آ ن لائن سے گفتگو میں ان کا کہنا تھا کہ عمران خان پر ائین کے ارٹیکل
باسٹھ اور تریسٹھ کا اطلاق ہوتا ہے یا نہیں یہ کہنا قبل از وقت ہے اس لئے وہ کوئی رائے بھی نہیں دے سکتے یہ دو اراکین قومی اسمبلی کے درمیان معاملہ ہے جس مین ایک پارٹی چئیرمین پر ان کی اپنی رکن قومی اسمبلی نے الزاما ت لگائے ہیں لیکن وہ اس پر کوئی کارروائی اس وقت تک نہیں کر سکتے جب تک عائشہ گلالئی کوئی درخواست نہیں دیتی ان کا کہنا تھا کہ میں عمران خان کو بچپن سے جانتا ہوں وہ ایسا نہیں تھاجس طرح کے ان پر الزامات لگائے گئے ہیں اور یہ بات کہہ کر کم از کم میں نے اپنے ضمیر کا فیصلہ سنا دیا ہے ۔ جبکہ وزیرا عظم کے انتخاب میں اپنے ہی امیدوار کوووٹ نہ دینے پر عمران خان کے خلاف کارروائی سے متعلق سوال پر انہوں نے کہا کہ جب ان کی پارٹی چیف وہپ کوئی درخواست دیں گی تو وہ دیکھیں گے ویسے بھی ارٹیکل تریسٹھ کے مطابق رکن قومی اسمبلی ایوان میں موجود ہو اور اپنی جماعت کے امیدوار کوووٹ نہ دے اس کے خلاف کارروائی ہوتی ہے لیکن عمران خان تو ایا ہی ہیں اس لئے ان کے خلاف کاروائی خارج از امکان ہے۔عائشہ گلالئی کے الزامات، عمران خان کے ماضی کے دوست ایازصادق کے ردعمل نے سب کو حیران کردیا،سپیکرقومی اسمبلی ایاز صادق نے عائشہ گلالئی کے عمران خان پر لگائے گئے الزامات پر کارروائی سے معذرت کر لی ہے اور کہا ہے کہ جب یہ معاملہ باضابطہ طور پر ان کے سامنے آئے گا تو قانون کے مطابق دیکھیں گے ۔
