لندن( آن لائن ) پاکستان پیپلز پارٹی کے راہنما سنیٹررحمان ملک نے کہا ہے کہ پاناما جے آئی ٹی نے بہت اچھاکام کیا، جے آئی ٹی رپورٹ میں میری رپورٹ کا 96 فیصد حصہ شامل تھا، آنے والے چند ہفتوں میں سیاست میں تبدیلی آئے گی، ہم الیکشن کی طرف جارہے ہیں،بہت سارے لوگوں کونااہل ہوتے دیکھ رہا ہوں، پاکستان میں جن کے نام صادق اورامین ہیں بس وہی صادق اورامین ہیں۔ لندن میں پریس کانفرنس سے خطاب کرتے ہوئے پاکستان پیپلز پارٹی کے راہنما سنیٹررحمان ملک نے کہا کہ
سیاست میں گالم گلوچ نہیں ہونی چاہیے، سوشل میڈیا پرسیاستدانوں کو گالیاں دینے والوں کیخلاف پارلیمنٹ سے کارروائی کرواؤں گا، جب سیاست نازیبا ہوجاتی ہے تواس کے نتائج اچھے نہیں نکلتے، اس وقت جوسیاستدانوں کے نام گندے کیے جارہے ہیں ایسا نہیں ہونا چاہیے،مخالفین ہماری قیادت کوگالیاں دینا بند کردیں،پیپلزپارٹی کے رہنماؤں کے جعلی اقامے سامنے آرہے ہیں جو قابل مذمت بات ہے،آصف زرداری نے جیلیں کاٹیں،نیب کورٹ سے بری ہوگئے انہیں اب توبخش دیں۔ انہوں نے کہا کہ5 سال وزیرداخلہ رہا ہوں کس کوکہاں سے کیا چیزمل رہی ہے،سب جانتا ہوں، پاناما جے آئی ٹی نے بہت اچھاکام کیا، جے آئی ٹی رپورٹ میں میری رپورٹ کا 96 فیصد حصہ شامل تھا، ہم الیکشن کی طرف جارہے ہیں،بہت سارے لوگوں کونااہل ہوتے دیکھ رہا ہوں ،پاکستان کی سیاست میں بہت گہرے سیاہ بدل نظرآرہے ہیں۔رحمن ملک نے کہا ک، امید ہے نئے وزیراعظم خارجہ پالیسی کوبہترکریں گے، آنے والے چند ہفتوں میں سیاست میں تبدیلی آئے گی، تاثردیاجارہا ہے کہ بلاول بااختیارنہیں مگریہ بات غلط ہیبلاول کتنے بااختیارہیں،اگلیچند ہفتوں میں آپ دیکھ لیں گے۔انہوں نے کہا کہ پاکستان میں جن کے نام صادق اورامین ہیں بس وہی صادق اورامین ہیں۔انہوں نے کاکہ عائشہ گلہ لئی پیپلز پارٹی میں متحرک رہی ہیں اگر وہ سچی ہیں تو الزامات کو لے کر سپریم کور ٹ جائیں ۔
