اسلام آباد (مانیٹرنگ ڈیسک) گزشتہ روز بنی گالا میں کیا دیکھا؟ عمران خان عائشہ گلالئی پر کیوں برس رہے تھے؟ چشم دید گواہ معروف صحافی کے حیرت انگیز انکشافات، ایک نجی ٹی وی چینل کے پروگرام میں اینکر پرسن کامران شاہد نے کہا ہے کہ تحریک انصاف کے چیئرمین عمران خان نے پارٹی ڈسپلن کی خلاف ورزی پر عائشہ گلالئی پر غصے کا اظہار کیا، انہوں نے کہا کہ میں گزشتہ روز میں عمران خان سے انٹرویو کے لیے ان کے گھر بنی گیا میرے نیوز چینل کی ٹیم بھی ساتھ تھی، اس وقت عائشہ گلالئی بھی موجود تھیں، کامران شاہد
نے کہا کہ انٹرویو کا ٹائم ساڑھے پانچ بجے تھا لیکن عمران خان کے بی بی سی کو انٹرویو کے باعث ہمیں انتظار کرنا پڑا۔ انہوں نے کہا کہ اس دوران ہم کافی پی رہے کہ اچانک عمران خان اپنے دفتر سے باہر آئے اور کوریڈور میں بیٹھی ہوئی عائشہ گلالئی کو ڈانٹتے ہوئے کہا کہ آپ کے بارے میں بہت شکایات مل رہی ہیں اور پارٹی کے لوگ کہہ رہے ہیں کہ تم پارلیمنٹ کے سیشن میں بھی نہیں جاتی ہو، میں تمہاری صفائیاں کس کس کو دوں، معروف صحافی کامران شاہد نے کہا کہ میں نے وہاں ٹکٹ کے حوالے سے کوئی بات چیت نہیں سنی۔
