کوئٹہ(آن لائن)قومی اسمبلی کے حلقہ این اے 260کے ضمنی انتخابات میں تحریک انصاف کے امیدوار کی ضمانت ضبط ہو گئی جبکہ غیر حتمی اور غیر سرکاری نتائج کے مطابق جمعیت علمائے اسلام (ف) کے میر عثمان بادینی نے میدان مار لیاجبکہ تحریک انصاف کے امیدوار کی ضمانت ضبط ہو گئی ۔تمام 407 پولنگ سٹیشن کے نتائج موصول ہو چکے ہیں جس کے مطابق جے یو آئی ف کے میر عثمان بادینی 43969 ووٹ لے کرکامیاب قرار پائے ۔

جبکہ بی این پی کے میربہادر مینگل 37786ووٹ لیکر دوسرے پشتونخوا میپ کے جمال تراکئی 20179ووٹ لیکر تیسرے نمبر پر رہے جبکہ پیپلزپارٹی کے عمیر محمد حسنی 14829ووٹ حاصل کر سکے۔تحریک انصاف کے امیدوارزمان اسلم طور 271 ووٹ حاصل کر سکے ۔اس انتخابی مقابلے میں 17 امیدواروں نے حصہ لیا۔اس سے قبل این اے 260 میں سارا دن پولنگ جار ی رہی اس حلقے کے 4لاکھ 60ہزار202 ووٹرز کیلئے 407 پولنگ سٹیشنز قائم کئے گئے تھے۔ضمنی انتخاب کے پیش نظر سکیورٹی کے سخت ترین انتظامات کرتے ہوئے دفعہ 144 نافذ تھی