اسلام آباد(مانیٹرنگ ڈیسک)پاکستان تحریک انصاف کے چیرمین عمران خا ن نے کہاہے کہ پاناماکیس میں آفردینے والے نام نہیں بتائوں گا۔عمران خان نے اسلا م آبادمیں پریڈگرائونڈمیں جلسہ عام سے خطاب کرتے ہوئے کہاکہ میں 10ارب روپے کی آفردین ےوالے کانام عدالت میں بتائوں گا۔انہوں نے کہاکہ اگرن لیگ نے میرے خلاف 10ارب روپے کے ہرجانے کادعوی کیاتومیں 10ارب روپے کہاں سے لوں گا؟

انہوں نے کہاکہ اتنے پیسے  تومیرے پاس نہیں ہیں ۔عمران خان نے کہاکہ میں ہرجانے کے پیسے دینے کےلئے نوازشریف اوراسحاق ڈارکے بچوں سے لوں گا۔انہوں نے کہاکہ میں یہ قرض مریم نوازسے بھی لے سکتاہوں کیونکہ اتنے پیسے توان کے پرس میں ہونگے ۔عمران خان نے کہاکہ شریف خاندان 30سال سے ہرچیزکی قیمت لگاکرخریدرہاہے ۔انہوں نے کہاکہ پاناماکیس میں اب یہ لوگ بری طرح پھنس چکے ہیں ۔انہوں نے کہاکہ اگرمیں پاناماکاکیس زندہ نہ رکھتاتوقوم پہلے کی طرح اس کیس کوبھی بھول جاتے ۔انہوں نے کہاکہ مجھے آفردینےوالادبئی میں بیٹھاہے اوراس کانام عدالت میں بتائوں گا۔انہوں نے کہاکہ پاکستان ایک عظیم ملک ہے جواسلام کے نام پربناتھا۔انہوں نے کہاکہ ہم ایک مثالی ملک بناکردکھائیں گے اورعدل کانظام ہوگا۔انہوں نے کہاکہ حکمرانوں نے عوام کاپیسہ لوٹاہے ۔انہوں نے کہاکہ ہمارے حکمرانوں کی مثال ایسی ہے جیسے دودھ کی راکھی بلی کوبٹھادیاجائے ۔انہوں نے کہاکہ قومیں وہ ہوتی ہیں جن پردنیااعتماد کرتی ہے ۔انہوں نے کہاکہ حکمرانوں کےلئے صادق اورامین ہوناضروری ہے ۔انہوں نے کہاکہ میں نے برطانوی آل رائونڈراین بوتھم سے مقدمہ صرف سچ بول کرجیتاتھاحالانکہ این بوتھم برطانیہ کاہیروتھالیکن لندن کانظام عدل پرقائم ہے ۔انہوں نے کہاکہ موٹوگینگ کے خلاف دوججزنے خلاف فیصلہ دیاجبکہ تین نے کرپٹ کہااورمیں نے دیکھاکہ موٹوگینگ مٹھائیاں بانٹ رہاتھا۔انہوں نے کہاکہ نوازشریف اورشہبازشریف قرآن پرہاتھ رکھ کربتائیں کہ کیاوہ سچ بول رہے ہیں ۔