اسلام آباد (آئی این پی)کالعدم تحریک طالبان پاکستان کے ترجمان احسان اللہ احسان کے اعترافی بیان سے بھارتی ایجنٹ کلبھوشن یادیو اور بھارتی خفیہ ایجنسی ’’را ‘‘ پاکستان کو غیرمستحکم کرنے کیلئے بھارتی حکومت بارے پاکستانی موقف کو مزید تقویت مل گئی ،دفترخارجہ غیرملکی سفارتخانوں کو احسان اللہ احسان کے اعترافی بیان پر جلد بریفنگ دے گا۔پاکستان نے دہشتگردی پر قابو پانے کیلئے بے شمار قربانیاں دیں
تفصیلات کے مطابق ملک میں خاص کر دہشتگرد کارروائیوں میں را کی معاونت کو عالمی برادری میں اٹھایا لیکن اسے کوئی بھی ماننے کو تیار نہیں تھا لیکن پاک فوج اور ملکی خفیہ اداروں نے سراغ لگاتے ہوئے تین مارچ 2016کو بلوچستان کے علاقے ماشکیل سے جاسوسی اور پاکستان کے خلاف تخریب کاری کی سرگرمیوں میں ملوث ہونے اور ’’ را ‘‘ کیلئے کام کرنے والے بھارتی بحریہ کے حاضر سروس حسین پٹیل مبارک کو گرفتار کرلیا جس پر بھارتی حکومت بہت پریشان ہوئی اور چند دن پہلے کلبھوشن یادیو کو فوجی عدالت نے سزائے موت سنادی جس پر بھارتی حکومت نے اس تک قونصلر رسائی کیلئے کوششیں شروع کردیں لیکن پاکستان نے اسے قونصلر تک رسائی نہیں دی،کلبھوشن یادیو بارے پاکستانی موقف کو ٹی ٹی پی کے ترجمان احسان اللہ احسان کے اعترافی بیان نے مزید مضبوط کردیا ہےکلبھوشن یادیو بارے پاکستانی موقف کو ٹی ٹی پی کے ترجمان احسان اللہ احسان کے اعترافی بیان نے مزید مضبوط کردیا ہے جس میں ٹی ٹی پی ترجمان نے واضح کیا ہے کہ ٹی ٹی پی کو بھارت اور ’’را ‘‘مالی معاونت کرتے ہیں اور پاکستان میں تخریبی کارروائیاں کرواتے ہیں،ٹی ٹی پی کے لوگوں کو بھارت تک رسائی حاصل ہے،اب وزارت خارجہ احسان اللہ احسان کے اعترافی بیان پر غیرملکی سفارتخانوں کو بریفنگ دے گی اور بتائے گی کہ کس طرح بھارت پاکستان میں کارروائیاں کروارہا ہے۔
