اسلام آباد(آئی این پی ) پاک ایران تعلقات کی موجوہ نوعیت پر بریفنگ کے لئے قومی اسمبلی کی قائمہ کمیٹی برائے خارجہ امورکا اجلاس 10مارچ بروز جمعہ کو طلب کرلیا گیا، قائمہ کمیٹی کی طرف سے ملائیشیا میں پاکستانیوں کو درپیش مسائل و مشکلات کے پیش نظر حکومت کو ملائیشیا کے ساتھ دہری شہریت کا معاہدہ کرنے کی متفقہ سفارش متوقع ہے پاکستان کے ساتھ بین الاقوامی معاہدوں کی پارلیمینٹ سے توثیق کے بل کا بھی جائزہ لیا جائے گا منگل کووزیراعظم کے
مشیروسیکرٹری خارجہ کو اجلاس کا ایجنڈا بھیج دیا گیا ہے وزرات خارجہ کے اعلی حکام کو پاک ایران تعلقات کی موجودہ صورتحال پر بریفنگ کی ہدایت کی گئی ہے وزارت کو ایران کے ساتھ معیشت ،تجارت ،سرمایہ کاری اور سلامتی کے معاملات پر تعاون کے فروغ کے تناظر میں بریفنگ کی ہدایت کی گئی ہے اجلاس کی کاروائی کے دوران حکومت کو عالمی معاہدات کی پارلیمینٹ سے منظوری حاصل کرنے کے پابند بنانے کے بل کا جائزہ لیا جائے گا ۔
