اسلام آباد(مانیٹرنگ ڈیسک) ملکی تاریخ کی سب سے بڑی ایمنسٹی اسکیم کی تیاری کرلی گئی ہے۔ کیش، بنگلہ، لگژری گاڑیاں، زیور، زمین، ملکی و غیر ملکی جائیداد سمیت ہر قسم کا کالا دھن سفید ہو سکے گا ۔ حکومت کو چھ ماہ میں پچاس ارب روپے سے زیادہ آمدن کی امید ہے ۔ناکام ایمنسٹی اسکیموں کے بعدایک اور ایمنسٹی اسکیم لانے کی تیاری کی جارہی ہے۔مجوزہ اسکیم کے تحت 6 ماہ میں پانچ سے دس فیصد ٹیکس دیں اور کالا دھن سفید کرائیں۔
پاکستان کے بیرون ملک اثاثوں کی مالیت 500 ارب ڈالر ہے جبکہ 200 ارب ڈالر صرف سوئس بینکوں میں ہیں۔ملک کے اندر بلیک اکانومی کا حجم 3000 ارب روپے سے زیادہ ہے۔اس اسکیم سے حکومت کو پچاس ارب روپے سے زیادہ آمدنی حاصل ہونے کا امکان ہے۔تاجر تنظیمیں مجوزہ اسکیم کی حامی ہیں۔سیاسی جماعتوں کے خیال میں مجوزہ اسکیم کی حیثیت این آر او سے زیادہ نہیں ۔موجودہ حکومت اس سے پہلے بھی رضاکارانہ ٹیکس ادائیگی اور رئیل اسٹیٹ شعبے سمیت چار ایمنسٹی اسکیموں کا اعلان کر چکی ہےجن سے خاطر خواہ نتائج حاصل نہیں ہوئے۔

موضوعات:ایمنسٹی سکیم کالا دھن