جمعرات‬‮ ، 03 اپریل‬‮ 2025 

نیوز سکینڈل میں پرویزرشید کا کردار،وزیراعظم کے معاون خصوصی طارق فاطمی کا حیرت انگیز انکشاف

datetime 7  ‬‮نومبر‬‮  2016
ہمارا واٹس ایپ چینل جوائن کریں

اسلام آباد (این این آئی)پرویز رشید نیوز سکینڈل معاملے میں ملوث نہیں تھے، وزیراعظم کے معاون خصوصی طارق فاطمی نے کہا ہے کہ پاکستان میں تعینات بھارتی سفارتکاروں کی منفی سرگرمیاں حد سے بڑھ گئی ہیں اس لئے انہیں واپس جانے کا کہہ دیا ہے، ان سفارتکاروں کے دہشت گردوں کے نیٹ ورک اور کالعدم تنظیم ٹی ٹی پی سے رابطے تھے، پیپلزپارٹی کا یہ مطالبہ بچگانہ ہے کہ ملک وزیر خارجہ کے بغیر چل رہا ہے،پرویز رشید نیوز سکینڈل معاملے میں ملوث نہیں تھے ۔

نجی ٹی وی کے مطابق ایک انٹرویومیں انہوں نے کہاکہ بھارت میں پاکستانی سفارتکاروں کو گرفتار کرکے اس کے بعد ان کے نام ظاہر کرنے کے ساتھ ساتھ غلط پراپیگنڈہ کررہے تھے ٗسفارتکاروں کی شناخت کے ساتھ پروپیگنڈہ درست بات نہیں ٗبھارت نے ہمارے سفارتکاروں کو بے جا حراساں کیا۔ انہوں نے کہاکہ بھارتی سفارتکاروں کی منفی سرگرمیاں پاکستان کیلئے خطرہ تھیں،بھارتی سفارتکاروں کی دہشت گردوں کے نیٹ ورک کے ساتھ تعلقات اور کالعدم تنظیم ٹی ٹی پی سے رابطے تھے، بھارتی سفارتکار واپس نہ گئے تو پھر انہیں نکال دیا جائے گا۔

انہوں نے کہا کہ ذوالفقار علی بھٹو ایک عظیم لیڈر تھے ، ذوالفقار علی بھٹو نے اپنے دور اقتدار میں خارجہ اور دفاع کی وزارتیں اپنی پاس رکھی تھیں، 1972 ء میں ماسکو کے دورے کے دوران ان کے پاس کوئی وزیر خارجہ نہیں تھا،لہذا پیپلز پارٹی کا یہ بچگانہ سوال ہے کہ ملک بغیر وزیر خارجہ کے چل رہا ہے ، بھارتی وزیر اعظم جواہر لعل نہرو کے پاس بھی وزارت خارجہ نہیں تھی وہ خود ہی چلا رہے تھے۔انہوں نے کہاکہ قومی مفادات پر سیاست نہیں کرنی چاہیے،وزیراعظم کی ہدایت پر مشیر خارجہ سرتاج عزیز اور ہم عملدرآمد کرتے رہے ہیں ٗ سرتاج عزیز کے میرے ساتھ تعلقات مثالی ہیں بہت سے لوگوں کا شوق ہے کہ ہم آپس میں لڑ پڑیں۔

انہوں نے کہا کہ پرویز رشید بے حدشریف اور ذمہ دار انسان ہیں ،وہ خبر لیکس معاملے میں ملوث نہیں ہیں ۔انہوں نے کہا کہ نیوز گیٹ کی تحقیقات کیلئے ایک جج کی سربراہی میں کمیٹی کی تشکیل پر تحریک انصاف سمیت دیگر جماعتوں کو اعتراض ہے تو اس بارے حکومت مزید غور و خوض کریگی تاہم تحقیقات پرویز رشید کے خلاف نہیں ہورہی ، تحقیقات واقعہ کے خلاف ہورہی ہیں کہ یہ خبر کیسے اور کہاں سے لیک ہوئی؟ انہوں نے کہاکہ سی پیک منصوبہ پر جہاں پاک چین لیڈران کے درمیان معاہدے پر دستخط ہوئے تھے تو اس وقت اعلان کیا گیا کہ یہ منصوبہ صرف پاکستان کیلئے نہیں اس منصوبے میں خطے کے تمام ممالک شامل ہوسکتے ہیں۔

موضوعات:

آج کی سب سے زیادہ پڑھی جانے والی خبریں
آج کی سب سے زیادہ پڑھی جانے والی خبریں


کالم



جنرل عاصم منیر کی ہارڈ سٹیٹ


میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…

تیسری عالمی جنگ تیار

سرونٹ آف دی پیپل کا پہلا سیزن 2015ء میں یوکرائن…