نئی دلی ( مانیٹرنگ ڈیسک ) اڑی حملے کے بعد مقبوضہ کشمیر کی ابتر صورتحال کے پیش نظر بھارتی وزیر داخلہ راج ناتھ سنگھ نے اپنا امریکہ اور روس کا دورہ ملتوی کردیا ۔ بھارتی میڈیاکے مطابق بھارتی وزیرداخلہ راج ناتھ سنگھ نے مقبوضہ کشمیرکے خراب حالات کابہانہ بناکردورہ ملتوی کردیاہے جبکہ بھارتی میڈیانے انکشاف کیاہے کہ وزیرداخلہ کوروسی حکام کی طرف سے روکاگیاہے وہ ان حالات میں روس کادورہ نہ کریں کیونکہ دوسری طرف روس اورپاکستان کے درمیان بھی کئی اہم معاملات ہیں جن کونقصان پہنچ سکتاہے ۔ بھارتی میڈیا نے انکشاف کیاہے کہ وزیراعظم نریندر مودی کا اقوام متحدہ میں خطاب کرنے نہ جانا اور اب وزیر داخلہ راج ناتھ سنگھ کا دونوں ممالک کا دورہ ملتوی کرنا اس بات کی نشاندہی کرتا ہے کہ کشمیر میں ” سب اچھا نہیں ہے ” ۔بھارتی میڈیاکے مطابق وہ سابق فوجی اعلی افسران جوپاکستان کوجنگ کی دھمکیاں دینے میں مودی سرکارکے ساتھ تھے لیکن اب تو بھارتی افواج کے اعلٰی عہدوں پر فائز جنرلز بھی موجودہ حالات کے تناظر میں مودی حکومت کو کہہ رہے ہیں کہ کشمیری مجاہدین سے بات چیت کرنے کے لئے اگر کسی تیسری طاقت کی خدمات کی ضرورت کو حکومت محسوس کرے تو حالات کو بہتری کی طرف لے جانے کے لئے یہ سودا مہنگا نہیں ہو گا ۔بھارتی کے بعض سیاسی تجزیہ کاروں کاکہناہے کہ مودی حکومت نے بلوچستان ایشو کو چھیڑ کر اور بلوچ ویب سائیٹ لانچ کر کے اپنے پاؤں پر کلہاڑی نہیں بلکہ کلہاڑا ماڑا ہے ۔ ” مقبوضہ کشمیرکی موجودہ صورتحال اوراس کے بعد وزیراعظم نوازشریف کی طرف سے سلامتی کونسل میں مسئلہ کشمیرکوخطے کااولین مسئلہ اوربھارتی مظالم کوبے نقاب کرنے کے بعد مودی سرکارکےلئے ایک پریشانی کے نئی پریشانی سامنے آنے لگی ہے اوراپوزیشن جماعتیں اس بات پرزوردے رہی ہیں کہ مودی حکومت سیاسی بحران کاشکارہوگئی ہے ۔