اسلام آباد(آن لائن)پاک افواج نے بھی سرجیکل سٹرائیک کی صورت میں اہداف کا تعین کرلیا ، جنگی جنون میں مبتلاء بھارت کو جواب دینے اور ملکی دفاع کے لئے پاک فوج نے بھی توپیں اور ٹینک مقبوضہ کشمیر کی سرحد پر پہنچا دیئے۔میڈیا رپورٹس کے مطابق پاک فوج نے بھارتی فوج کی جانب سے اپنے ہتھیار سرحدوں پر پہنچانے کے بعد دشمن کے دانت کٹھے کرنے کیلئے تیاریاں شروع کردی ہیں اور پاک فوج نے اپنے ہتھیار توپیں اور ٹینک مقبوضہ کشمیر کی سرحد پر پہنچا دیئے ہیں۔رپورٹس کے مطابق پاک فوج نے بھارت کی جانب سے کسی بھی قسم کی جارحیت کی صورت میں سخت جواب دینے کیلئے تیار بیٹھی ہے اور اسی ضمن میں توپیں اور ٹینک سرحد پر منتقل کئے ہیں۔واضح رہے کہ بھارتی وزیراعظم نریندر مودی نے جمعرات کو زیادہ وقت ملٹری آپریشن روم میں گزارا جہاں وہ لائن آف کنٹرول پر فوج کی نقل و حرکت کی تازہ صورتحال کا جائزہ لیتے رہے اور لائن ا?ف کنٹرول پر بھارتی فوج کی طرف سے بھاری اور درمیانے توپے خانے کی نقل و حرکت کی بھارتی فوج کے اعلیٰ حکام نے بھی تصدیق دی تھی۔میڈیا رپورٹس کے مطابق بھارتی افواج بوفرز توپوں اور 105 درمیانی رینج کی دوسری توپوں کو اڑی کے چڑی میدان، موہرا اور بونیار میں نصب کررکھا ہے۔ سونہ مرگ میں بھی بڑے ہتھیاروں کی تنصیب کردی ہے۔

موضوعات:پاک بھارت کشیدگی