اسلام آباد(مانیٹرنگ ڈیسک) پاکستان کو F-16جنگی طیارے فراہم نہ کئے جائیں۔ نجی ٹی وی پروگرام میں سینئر تجزیہ نگار کے حیرت انگیز انکشافات نے تہلکہ مچا دیا۔ تفصیل کے مطابق نجی ٹی وی پروگرام میں گفتگو کرتے ہوئے سینئر تجزیہ نگار رؤف کلاسرا نے کہا کہ میں نے چند دن قبل اپنے پروگرام میں کہا تھا کہ پاکستان پیپلز پارٹی اگلی بار اقتدار میں آنے کیلئے وائٹ ہاؤس کے قریب ہوتی جا رہی ہے۔ سابق صدر زرداری کی بہت بڑے اہم امریکی عہدیدارا سے ملاقات بھی ہوئی ہے لیکن اس ملاقات کو پیپلز پارٹی ماننے کیلئے تیار نہیں۔ رؤف کلاسرا نے کہا کہ پھر کبھی انکشافات پر مبنی کسی نے کتاب لکھی تو پھر پیپلز پارٹی مان لے گی کہ یہ باتیں ہوئیں۔
سینئر تجزیہ نگار نے کہا کہ امریکہ میں پیپلز پارٹی کی لابنگ کرنے والے اہم ترین شخص حسین حقانی نے وال سٹریٹ جنرل میں اپنے کالم کے ذریعے امریکہ کو کہا تھا کہ پاکستان کو ایف سولہ طیارے نہ دیئے جائیں ، پاکستان یہ طیارے بلوچستان میں استعمال کرے گا۔ سابق صدر زرداری حسین حقانی کے ذریعے لابنگ کرکے امریکہ سے مل رہے ہیں۔ رؤف کلاسرا نے کہا کہ پیپلز پارٹی کے رہنما سابق صدر زرداری نے پہلے زبردست کھیل کھیلتے ہوئے امریکہ سے پاکستان کو F-16 طیاروں کی فراہمی رکوائی اور اب اینٹ سے اینٹ بجانے والے زرداری اسٹیبلشمنٹ میں اپنی ساکھ بہتر بنانے کیلئے دوبارہ امریکہ پہنچ گئے ہیں کہ جی دیکھے میں یہ F16 طیارے آپ کو دلوا دیتا ہوں امریکہ سے۔ زرداری صاحب حسین حقانی کے ذریعے ہی امریکی ڈیفنس کمیٹی کے جان مکین سے مل رہے ہیں کہ جناب آپ پاکستان کو F-16 طیارے فراہم کر دیں۔ سینئر تجزیہ نگار رؤف کلاسرا نے کہا کہ زرداری صاحب امریکہ سے ڈیل کر رہے ہیں کسی طرح 2017 ء میں وہ دوبارہ اقتدار میں آ جائیں۔