اسلام آباد(مانیٹرنگ ڈیسک) نجی ٹی وی پروگرام میں سینئر تجزیہ نگار نے حیران کن دعویٰ کر دیا۔ نجی ٹی وی پروگرام میں گفتگو کرتے ہوئے سینئر تجزیہ نگار نے کہا کہ میری معلومات کے مطابق میاں نواز شریف لندن سے جب واپس آئیں گے تو وہ بہت جارحانہ موڈ میں آئیں گے۔ جن لوگوں کو میاں نواز شریف نے مشاورت کیلئے بلایا تھا ان میں سردار مہتاب، مشاہد اللہ خان، پرویز رشید، طارق فاطمی ‘ عرفان صدیقی وغیرہ شامل تھے اور یہ ہمیشہ اینٹی سٹیبلشمنٹ رہے ہیں ۔ میاں نواز شریف اس بار “Do or Die” کے موڈ میں واپس آ ئیں گے اور جارحانہ انداز میں فیصلے کریں گے۔
سینئر تجزیہ نگار رؤف کلاسرا نے کہا کہ پاکستان میں عید کے بعد اچھا خاصا تماشہ دیکھنے کو ملے گا۔ پاکستان کے تمام بڑے سیاستدان ایسی اداکاری کرتے ہیں کہ انہیں آسکر ایوارڈ ملنا چاہئے۔ جب کوئی سیاستدان اقتدار میں ہوتا ہے تو وہ ہشاش بشاش ہوتا ہے اور جیسے ہی اپوزیشن میں آتا ہے وہ بیمار ہوجاتا ہے۔