پشاور(مانیٹرنگ ڈیسک) پولیس نے پشاور کے علاقے حیات آباد میں جرائم پیشہ افراد کیخلاف سرچ آپریشن کرتے ہوئے 100 سے زائد ملزمان گرفتار کرکے بھاری مقدار میں اسلحہ اور منشیات برآمد کرلیں۔ اتوار کو پولیس کے مطابق حیات آباد میں رات گئے کئے جانے والے سرچ آپریشن میں 37 مشتبہ افراد کے علاوہ 4 غیر قانونی مقیم افغان باشندے اور 6 افرا کو کرایہ داری کے کوائف مکمل نہ کرنے پر گرفتار کیا گیا ۔ 59 افراد کو دفعہ 144 کی خلاف ورزی پر گرفتار کیا گیا ہے،گرفتار افراد سے 1پستول،1 رپیٹر،کارتوس اور منشیات برآمد کی گئی۔