اسلام آباد(نیوزڈیسک)وزیراعظم نوازشریف لاپتہ ہوگئے،اعلان نے کھلبلی مچادی، تحریک انصاف اور ن لیگ کے کارکن آمنے سامنے سوشل میڈیا ہی میدان جنگ بن گیا،تفصیلات کے مطابق تحریک انصاف کے سینئر رہنما اسد عمر نے سوشل میڈیا پر تحریک انصاف کی جانب سے ایک اشتہار جاری کیا ہے جس میں درج ہے کہ میاں نوازشریف وزیراعظم پاکستان گزشتہ ایک ماہ سے لاپتہ ہیں اورابھی بھی ملک میں واپس آنے کا نام نہیں لے رہے جس کسی کو بھی نظر آئیں براہ مہربانی ان کو یاد کروادیاجائے کہ آپ پاکستان کے وزیراعظم ہیں اور پاکستان واپس بھیج دیاجائے۔ تحریک انصاف کے سینئر رہنما اسد عمر کی طرف سے جاری کئے جانے والے اشتہار کے بعد سوشل میڈیا پر تحریک انصاف اور ن لیگ کے کارکنوں میں ٹھن گئی اور ایک دوسرے پر سنگین الزامات کاتبادلہ جاری ہے ۔ ن لیگ کے ارکان نے وزیراعظم نوازشریف کی بیماری کی وجہ سے لندن میں موجودگی کے باوجود تحریک انصاف کے اس اشتہار کی شدید مذمت کی ہے جبکہ تحریک انصاف کا موقف ہے کہ وزیراعظم کو ملک میں ہی علاج کروانا چاہئے تھا انہیں اس سلسلے میں باہر جانے کی کوئی ضرورت نہیں تھی ان کو فوراً واپس آنا چاہئے۔