کابل(آئی این پی)افغانستان نے دھمکی دیتے ہوئے کہا ہے کہ اگر پاکستان نے مداخلت جاری رکھی تو ہم خاموش نہیں رہیں گے ، پاکستان کی مداخلت کو روکنے کیلئے ہر ممکنہ ذرائع کو استعمال کریں گے، پاکستان کے ساتھ ڈیورنڈ لائن پر میکنزم قائم کرنے اور ا س معاملے پر شنگھائی سربرائی اجلاس کے موقع پر مزید بات چیت کرنیپر اتفاق ہوا ہے جبکہ پاکستان کی جانب سے فوجی تنصیبات کی تعمیر کو بھی روک دیا گیا ہے ۔منگل کو افغان میڈیا کے مطابق وزارت خارجہ کے نائب ترجمان خیر اللہ خیر خواہ کا کہنا ہے کہپاکستان اور افغانستان کے وفود نے ڈیورنڈ لائن کے ساتھ ایک نظام کے قیام پر اتفاق ہوا ہے جبکہ پاکستان کی جانب سے فوجی تنصیب کی تعمیر کو بھی روک دیا گیا ہے ۔دونوں اطراف سے ایک طریقہ کار پر اتفاق کیا گیا ہے کہ مسئلے کے حل کیلئے شنگھائی سربرائی اجلاس میں بات چیت کی جائے گی وزارت خارجہ کے نائب ترجمان خیر اللہ خیر خواہ نے دھمکی دی کہ اگر پاکستان نے مداخلت جاری رکھی تو ہم خاموش نہیں رہیں گے ہم پاکستان کی مداخلت کو روکنے کیلئے ہر ممکنہ ذرائع کو استعمال کریں گئے ۔واضح رہے کہ طورخم بارڈر پر کشیدگی کے خاتمے اور افغان شہریوں کی آمد و رفت کو قانونی شکل دینے سے متعلق امور پر تبادلہ خیال کے لیے افغان نائب وزیر خارجہ حکمت خلیل کرزئی کی سربرائی میں چھ رکنی وفد پیر کو اسلام آباد آیا تھا جس نے سیکریٹری خارجہ اعزاز چوہدری اور مشیر خارجہ سے ملاقاتیں کی تھیں۔ وزارت خارجہ کی طرف سے جاری بیان کے مطابق پاکستان کیساتھ مذاکرات پرامن اور دوستانہ ماحول میں ہوئے، افغان وفد نے افغان علاقے میں چوکیاں قائم کرنے سمیت پاکستان کی طرف سے دیگر مختلف خلاف ورزیوں کے معاملے کو اٹھایا اور افغان دیہات پر پاکستان کی جانب سے بلااشتعال گولہ باری کیخلاف سخت احتجاج بھی کیا۔