اسلام آباد(نیوز ڈیسک) وزیراعظم نواز شریف کو افغانستان کے صدراشرف غنی نے ٹیلیفون کیا جب کہ دونوں رہنمائوں کے درمیان 10 منٹ تک بات چیت ہوئی۔نجی ٹی ویکے مطابق وزیراعظم نواز شریف سے افغان صدرنے ٹیلی فونک رابطہ کیا جب کہ دونوں رہنماں کے درمیان باہمی تعلقات اور خطے کی سیکیورٹی صورتحال پر بات چیت ہوئی۔ دونوں رہنماں نے افغان امن مصالحتی عمل کے امور پرتبادلہ خیال کرتے ہوئے افغان حکومت اورافغان طالبان کے درمیان مذاکرات میں پاکستان کے کردار پربھی گفتگو کی۔وزیراعظم نواز شریف نے افغانستان میں حالیہ دہشت گرد حملوں کی مذمت کرتے ہوئے جاں بحق افراد کے لواحقین اور افغان عوام سے اظہار تعزیت کی۔