اسلام آباد(نیوز ڈیسک)متحدہ قومی موومنٹ کے قائد الطاف حسین نے کہا ہے کہ ان پر چاہے کتنے بھی مظالم کر لئے جائیں، پاکستان کیساتھ رشتہ کبھی ختم نہیں ہو گا۔ تفصیلات کے مطابق ایک بیان میں الطاف حسین نے کہا کہ ہمارے بزرگوں نے لاکھوں قربانیاں دے کر پاکستان بنایا اس لئے ہم ہی اس کے اصل وارث ہیں۔ ایم کیو ایم کے زیر اہتمام یوم آزادی شایان شان طریقے سے منایا جائے گا اور اس سلسلے میں 13 اور 14 اگست کو جناح گرانڈ میں جشن آزادی کا 2 روزہ اجتماع منعقد کیا جائے گا۔ قائد تحریک نے کہا کہ وہ کسی ادارے سے محاذ آرائی نہیں چاہتے اور سب سے بہتر تعلقات چاہتے ہیں۔ الطاف حسین کا کہنا تھا کہ ہم پر چاہے جتنے بھی مظالم کئے جائیںگے، پاکستان کے ساتھ ہمارا رشتہ ختم نہیں ہو گا۔