اسلام آباد(آن لائن ) پولیس کی جانب سے ملازمین کے موبائل فون کے استعمال پر گزشتہ روز 21 جنوری کو پابندی عائد کردی گئی ہے۔پابندی عائد کرنے کا فیصلہ سینٹرل پولیس آفیس ( سی پی او ) ہیڈکواٹرز اسلام آباد سے کی جانب سے جاری ہوا ہے، جس کے تحت وفاقی پولیس کے ملازمین کے دوران ڈیوٹی موبائل فون کا استعمال ممنوع قرار دیا گیا ہے۔سی پی اوہیڈ کوارٹرز کی جانب سے تمام متعلقہ افسران کو حکم نامہ ارسال کردیا گیا ہے۔ جاری کردہ مراسلے کے مطابق تھانوں کے استقبالیہ پر موبائل فون جمع کرنے کا طریقہ کار بنایاج جائے۔مراسلے میں یہ بھی کہا گیا ہے کہ دوران ڈیوٹی موبائل فون استعمال کرنے سے کام میں خلل پڑتا ہے۔ملازمین کو تنبیہ کی گئی ہے کہ حکم نامے کی خلاف ورزی کی صورت میں محکمانہ کارروائی کی جائے گی۔

موضوعات:موبائل فون