اسلام آباد (این این آئی)چیمپئنز ٹرافی اور سہ فریقی ٹورنامنٹ میں فخر زمان بابر اعظم کے ساتھ اننگز کا آغاز کرینگے ذرائع کے مطابق بابر اعظم فخر زمان کے ساتھ پاکستان کی اننگز کا آغاز کریں گے۔عاقب جاوید اور کوچز نے بابر اعظم کو اوپنر کی حیثیت سے کھیلنے پر راضی کر لیا ہے۔

ذرائع نے بتایا کہ بابر اعظم کے ساتھ سلیکٹر کی کئی میٹنگ ہوئیں، بابر اعظم کو کریز پر زیادہ وقت اور اوورز کھیلنے کا مشن دیا گیا ہے۔بابر اعظم نے صائم ایوب کے زخمی ہونے کے باعث اہم ذمے داری قبول کر لی ہے۔واضح رہے کہ گزشتہ روز آئی سی سی چیمپئنز ٹرافی 2025ء کے لیے 15 رکنی پاکستان کرکٹ ٹیم کا اعلان کیا گیا تھا اور یہی ٹیم نیوزی لینڈ اور جنوبی افریقا کے خلاف سہ فریقی ون ڈے سیریز میں بھی حصہ لے گی۔