پیر‬‮ ، 16 ‬‮نومبر‬‮ 2026 

بی جے پی رہنما کے بیٹے کی پاکستانی لڑکی سے آن لائن شادی، تصاویر سامنے آگئیں

datetime 21  اکتوبر‬‮  2024 |

نئی دہلی (این این آئی)بھارت کی حکمران جماعت بھارتیہ جنتا پارٹی(بی جے پی)کے اترپردیش کے رہنما کا بیٹا پاکستانی لڑکی پر دل ہار بیٹھا اور دونوں کی آن لائن شادی کی تقریب نے سوشل میڈیا صارفین کی توجہ حاصل کرلی۔

بی جے پی کے ایم ایل سی برجیش سنگھ پرشو بھی شادی میں موجود تھے۔ میڈیارپورٹس کے مطابق پاکستان و بھارت کے مابین سرحد کی لکیریں اور دیواریں ہیں لیکن دونوں ممالک کے لوگوں کے دلوں میں رشتے مسلسل مضبوط تر ہوتے جا رہے ہیں، ایسا ہی بھارتی ریاست اترپردیش کے شہرجونپور میں دیکھنے کو ملا جہاں بی جے پی رہنما تحسین شاہد کے بیٹے محمد عباس حیدر کی شادی لاہور میں عندلیب سے طے ہوئی تھی لیکن ویزا نہ ملنے کی وجہ سے ویڈیو کال کے ذریعے دونوں اطراف سے نکاح خواں نے نکاح پڑھایا۔

جہاں شادی میں سیکڑوں لوگ باراتی بن کر شریک ہوئے، وہیں لاہور میں دلہن کے گھر بھی لوگ شادی میں جمع ہوئے، دونوں کا نکاح ہونے کے بعد اب دلہے کو دلہن کی پاکستان سے ویزا ملنے کے بعد رخصتی کا انتظار ہے۔ جونپور کے مخدوم شاہ اڈہن کیرہائشی و بی جے پی کے کارپوریٹر تحسین شاہد نے ایک سال قبل اپنے بڑے بیٹے محمد عباس حیدر کی شادی اپنی رشتہ دار عندلیب زہرا سے طے کی تھی جو لاہور کی رہائشی ہیں۔شادی کے لیے ویزا کی درخواست بھارتی حکومت کو دی تھی، شادی کی تاریخ قریب آتے ہی ان کی پریشانی بڑھ گئی، اس دوران پاکستان میں لڑکی کی والدہ رانا یاسمین زیدی کی طبیعت بگڑ گئی اور انہیں اسپتال کے آئی سی یو میں داخل کرایا گیا۔

ایسی حالت میں تحسین شاہد نے لاہور اپنی بہن سے گفتگو کر کے آن لائن نکاح کرانے کا فیصلہ لیا اور آخرکار امام بارگاہ کلو مرحوم میں تحسین شاہد اپنے ساتھ سیکڑوں باراتیوں کو لے کر پہنچے اور ٹی وی اسکرین پر سب ہی کے سامنے آن لائن نکاح کروا دیا۔عالم دین مولانا محفوظ الحسن خان نے نکاح پڑھانے کے بعد بتایا کہ دین اسلام میں لڑکی کی اجازت ضروری ہے، ایسی صورت میں یہ اجازت درکار ہے کہ وہ آن لائن مولانا کو دے یا آف لائن، تو دونوں مولانا اکٹھے بیٹھ کر نکاح کرا سکتے ہیں۔

آج کی سب سے زیادہ پڑھی جانے والی خبریں


کالم



جنرل ضیاء کی شخصیت کے حیران کن پہلو (دوسرا حصہ)


  نوٹ: اگر آپ افورڈ کر سکتے ہیں تو یہ تحریر آپ…

جنرل ضیاء کی شخصیت کے حیران کن پہلو

  نوٹ: اگر آپ افورڈ کر سکتے ہیں تو یہ تحریر آپ…

بیوی کو بھی پتا نہیں چلنا چاہیے

  نوٹ: اگر آپ افورڈ کر سکتے ہیں تو یہ تحریر آپ…

تیسری پینٹنگ

  نوٹ: اگر آپ افورڈ کر سکتے ہیں تو یہ تحریر آپ…

قید بھی نعمت ہوتی ہے

  نوٹ: اگر آپ افورڈ کر سکتے ہیں تو یہ تحریر آپ…

سٹوڈنٹ لسٹ

  نوٹ: اگر آپ افورڈ کر سکتے ہیں تو یہ تحریر آپ…

Mind The Gape

  نوٹ: اگر آپ افورڈ کر سکتے ہیں تو یہ تحریر آپ…

مہاراجہ ہری سنگھ کے جواہرات

  نوٹ: اگر آپ افورڈ کر سکتے ہیں تو یہ تحریر آپ…

مرنے کے علاوہ

  نوٹ: اگر آپ افورڈ کر سکتے ہیں تو یہ تحریر آپ…

درگزر کیا کریں

  نوٹ: اگر آپ افورڈ کر سکتے ہیں تو یہ تحریر آپ…

بارہ منٹ کا کھیل

  نوٹ: اگر آپ افورڈ کر سکتے ہیں تو یہ تحریر آپ…