تل ابیب(این این آئی) اسرائیلی وزیراعظم نیتن یاہو نے ایرانی ایجنٹوں کو اپنے گھر پر حملے کا ذمہ دار قرار دے دیا۔میڈیارپورٹس کے مطابق ایکس پر ایک پوسٹ میں اسرائیلی وزیر اعظم نیتن یاہو نے کہا کہ آج ایران کے ایجنٹوں نے مجھے اور میری اہلیہ کو قتل کرنے کی کوشش کرکے بڑی غلطی کی ہے، یہ مجھے ملکی سلامتی کی جنگ جاری رکھنے سے نہیں روکے گی۔
نیتن یاہو نے کہا جو بھی اسرائیل اور اسکے شہریوں کو نقصان پہنچائے گا اسے اس کی بھاری قیمت چکانا پڑے گی۔ ہم آپ کے دہشت گردوں کا خاتمہ کرتے رہیں گے اور غزہ سے اپنے یرغمالی واپس لائیں گے۔نیتن یاہو نے کہا کہ ہم شمال میں اپنے باشندوں کی واپسی ممکن بنائیں گے اور اپنی نسلوں کے لیے خطے میں سلامتی کو حقیقت میں بدل دیں گے۔
