تل ابیب (این این آئی )ایرانی سپریم لیڈر آیت اللہ خامنہ ای کی جانب سے اسرائیل پر حملے کے بعد سوشل میڈیا ویب سائٹ ایکس پر کی گئی پوسٹ سوشل میڈیا پر وائرل ہے۔غیرملکی خبررساں ادارے کے مطابق آیت اللہ خامنہ ای نے ایران کی جانب سے اسرائیل پر سینکڑوں میزائل داغے جانے کے بعد سوشل میڈیا ویب سائٹ ایکس پر اپنی ایک پوسٹ میں اے آئی ٹیکنالوجی کی مدد سے بنی میزائلوں کی تصویر پوسٹ کی اور کیپشن میں یہ آیت لکھیں نصر مِن للہِ وفتح قرِیب۔یہ پوسٹ سوشل میڈیا پر وائرل ہوگئی ہے اور اب تک اسے سینکڑوں بار ری شیئر کیا جا چکا ہے۔

انہوں نے ایک اور پوسٹ میں فارسی اور عبرانی زبان میں یہ بھی لکھا کہ اللہ کی مدد سے مستقبل میں صیہونی حکومت اور اس کے خستہ حال ڈھانچے پر مزاحمتی حملے مزید مضبوط اور درد ناک ہوں گے۔واضح رہے کہ ایران نے اسرائیل پر 400 سے زائد بیلسٹک میزائل داغے، ایرانی میڈیا کے مطابق ایران نے اسرائیل کی جانب سے 400 بیلسٹک میزائل اصفہان، تبریز، خرم آباد، کرج اور اراک سے فائر کیے گئے جس کے بعد مقبوضہ بیت المقدس سمیت اسرائیل بھر میں سائرن بجنے لگے، میزائل حملوں کے بعد اسرائیلیوں نے بنکرز میں پناہ لی۔