کابل (این این آئی)افغانستان کے شمالی صوبے بغلان کے مرکز پلخمری کے ایک امام بار گاہ میں نماز جمعہ کے وقت ایک دھماکے میں کئی افراد جاں بحق اور زخمی ہوگئے ۔بغلان میں حکام کے مطابق دھماکہ اس وقت ہورا جب لوگ جمعہ کی نماز کیلئے جمع ہوگئے تھے ۔

بغلان صوبے کے شعبہ اطلاعات کے سربراہ مصطفی ہاشمی نے افغان میڈیا سے بات کرتے ہوئے کہاکہ تکیہ خانہ امام زمان نامی امام بار گاہ میں دھماکے کے نتیجے میں جانی نقصان ہوا تاہم انہوںنے جاں بحق ہونے والوں کی تعداد سے متعلق تفصیلات نہیں بتائیں ۔ فوری طورپر کسی گروپ نے واقعہ کی ذمہ داری قبول نہیں کی ہے تاہم ماضی میں داعش گروپ نے اہل تشیع پر کئی حملوں کی ذمہ داری قبول کی ہے ۔