نئی دہلی (این این آئی )بھارت میں روڈ بنانے والے ٹھیکیدار کی مبینہ جعلسازی کا مقامی شہریوں نے بھانڈا پھوڑ دیا۔

بھارتی میڈیا کے مطابق ریاست مہاراشٹر کے علاقے میں سڑک کی تعمیر کے لیے ناقص سامان استعمال کیا گیا۔بھارت میں سوشل میڈیا پر ایک ویڈیو وائرل ہو رہی ہے جس میں دیکھا جاسکتا ہے کہ کچھ دیہاتی اپنے ہاتھوں سے ایک نئی تعمیر شدہ سڑک کو کارپٹ کی طرح اٹھا لیتے ہیں۔بھارتی میڈیا کے مطابق لوگوں کا کہنا تھا کہ مقامی ٹھیکیدار نے روڈ بناتے وقت جعلی کام کیا جبکہ دیہاتیوں نے مقامی حکومت پر تنقید کرتے ہوئے اس ناقص کام کی منظوری دینے والے انجینئرکے خلاف کارروائی کا مطالبہ بھی کیا۔دوسری جانب بھارتی ٹھیکیدار نے دعوی کیا کہ روڈ کی تعمیر کے لیے جرمن ٹیکنالوجی کا استعمال کیا گیا ہے۔

موضوعات:بے نقاب