ریاض(مانیٹرنگ ڈیسک) سعودی مفتی اعظم اور سعودی سائنٹیفک اینڈ ریسرچ کونسل کے سربراہ شیخ عبدالعزیز الشیخ نے ایک عرب خبر رساں ادارے کو انٹرویو دیتے ہوئے کہا کہ عید کی نماز گھر پر ادا کی جا سکتی ہے۔ انہوں نے کہا کہ غیر معمولی حالات میں اور موجودہ عالمی وبا کی صورتحال میں عید کی نماز گھر پر ادا کرنا مناسب عمل ہے۔ سعودی مفتی اعظم

نے کہاکہ عید کی نماز گھر پر اکیلے اور باجماعت ادا کی جا سکتی ہے۔ انہوں نے سعودی شہریوں پر زور دیتے ہوئے کہا کہ اس طرح کے ماحول میں والدین اپنا زیادہ تر وقت گھروں میں اپنے بچوں کے ساتھ گزاریں، یاد رہے کہ عیدالفطر کے موقع پر سعودی عرب کی حکومت نے کرونا کی وجہ سے مکمل کرفیو کا اعلان بھی کر رکھا ہے۔