اسلام آباد(مانیٹرنگ ڈیسک)بھارتی بحریہ کا طیارہ گوا میں حادثے کا شکار، کسی جانی نقصان کی اطلاع موصول نہیں ہوئی۔بھارتی میڈیا کے مطابق اتوار کے روز گوا میں ہندوستانی بحریہ کا ایک مگ طیارہ گر کر تباہ ہوگیا۔ حکام کے مطابق اس حادثے میں کسی جانی نقصان کی اطلاع موصول نہیں ہوئی۔ایم آئی جی 29 طیارہ گوا کے ساحل سے روٹین ٹریننگ
سارٹی چلا رہا تھا اتوار کی صبح 10.30 بجے کے قریب گر کر تباہ ہوا۔ طیارے کے پائلٹ کو بحفاظت باہر نکال لیا گیا اور اسے بچا لیا گیا۔ واقعہ سے متعلق بیان جاری کرتے ہوئے ہندوستان بحریہ نے کہا کہ واقعے کی تحقیقات کا حکم دیا گیا ہے، یہ حادثہ نومبر 2019 میں گوا کے ایک گاؤں کے باہر مگ 29 کے گر کر تباہ ہونے کے 3 ماہ بعد پیش آیا ۔
