نیویارک (نیوز ڈیسک) مائیکرو سافٹ کے بانی بل گیٹس نے کرونا وائرس کو ایک بڑا چیلنج قرار دیتے ہوئے کہا کہ کرونا وائرس نے افریقہ میں وبائی صورت اختیار کی تو ایک کروڑ اموات کا باعث بن سکتا ہے۔ امریکی شہر سیاٹل میں کانفرنس سے خطاب میں بل گیٹس نے کہا کہ کرونا وائرس افریقی ملکوں
تک پہنچا تو ناقابل کنٹرول وبا کی صورت اختیار کر جائے گا، جہاں صحت کی سہولیات اس کی نگرانی اور کنٹرول نہیں کر سکیں گی۔بل گیٹس نے کہا کہ عالمی سطح پر پھیلنے والی یہ وبا ان چند چیزوں میں سے ہے جو نظامِ صحت، معیشتوں کی تباہی اور لاکھوں اموات کی وجہ بن سکتی ہے۔
