واشنگٹن(این این آئی)وائٹ ہاؤس نے اعلان کیا ہے کہ صدر ڈونلڈ ٹرمپ 24 اور 25 فروری کو بھارت کے دو روزہ دورے پر نئی دہلی پہنچیںگے۔غیرملکی خبررسا ں ادارے کے مطابق ایک بیان میں وائٹ ہائوس نے کہاکہ ٹرمپ دہلی کے علاوہ وزیراعظم نریندر مودی کے آبائی علاقے ریاست گجرات بھی جائیں گے۔امریکی ایوان صدر کے مطابق گذشتہ ہفتے بھارتی وزیراعظم نریندر مودی اور ٹرمپ کے درمیان ٹیلیفون پر
بات چیت ہوئی تھی۔ اس موقعے پر امریکی صدر نے بھارتی وزیراعظم کو اپنے دورہ بھارت کے بارے میں مطلع کیا تھا۔ دونوں رہ نمائوںکا کہنا تھا کہ اس دورے سے دونوںملکوں کے درمیان اسٹریٹیجک شراکت داری اور تعلقات مزید مزید مستحکم ہوںگے۔بھارت کے دورے پر امریکی خاتون اول میلانیا ٹرمپ بھی صدر کے ہم راہ ہوںگی۔ وہ دارالحکومت نئی دہلی کے علاوہ گجرات کے شہر احمد آباد کا بھی دورہ کریںگے۔
