اسلام آباد(مانیٹرنگ ڈیسک)ضعیف ماں کا گلا گھونٹتے بیٹی کی ویڈیو سوشل میڈیا پر وائر ل ۔تفصیلات کے مطابق واقعہ برازیل کے ایک ہسپتال میں پیش آیا جہاں بیٹی نے اپنی ہی ماں کا گلا گھونٹنے کی کوشش کی، تاہم یہ مناظر کیمرے میں ریکارڈ ہو گئے ۔ بتایا گیا ہے کہ فلم ساتھ موجود مریض نے ریکارڈ کی۔جس کے بعد 32 سالہ بیٹی لوسیانہ کو گرفتار کر لیا گیا ۔ویڈیو میں دیکھا جا سکتا ہے کہ بیٹی اپنے

ہاتھ کو ماں کے منہ پر رکھتی ہے اور سانس روکنے کی کوشش کرتی ہے۔ برازیل کے مقامی میڈیا کا کہنا ہے کہ بیٹی کو موقع پر ہی گرفتار کر لیا جبکہ ماں کو آئی سی یو (انتہائی نگہداشت یونٹ ) میں رکھا گیا ہے۔عمر رسیدہ خاتون 19 جنوری سے ہسپتال میں زیر علاج ہے ۔ پولیس نے ابتدائی رپورٹ میں بتایا ہے کہ بیٹی اپنی ماں کی خدمت کرکے تنگ آگئی تھی جس کے باعث قتل کرنے کی کوشش کی۔