بغداد(این این آئی)عراق میں ایران نواز ملیشیا الحشد الشعبی میں شامل ایک شیعہ گروپ عصائب اہل الحق کے سربراہ قیس الخزعلی نے کہاہے کہ القدس فورس کے سربراہ قاسم سلیمانی کی امریکا کے ہاتھوں ہلاکت کا اولین جواب ایران نے دے دیا اور اب عراقی

جواب کا وقت آ گیا ہے۔میڈیارپورٹس کے مطابق اپنی ٹویٹ میں الخزعلی نے کہا کہ عراق کا جواب بھی ایران سے کم ہر گز نہ ہو گا۔الخزعلی کے مطابق چوں کہ عراق کے لوگ شجاعت اور غیرت کے حامل ہوتے ہیں لہذا ان کا جواب بھی حجم میں ایرانی رد عمل سے کم نہ ہو گا۔