صنعاء (این این آئی)یمن میں سرگرم ایران نواز حوثی ملیشیا نے امریکا پر کاری وار کی دھمکی دیتے ہوئے ایرانی صدر کو یقین دلایا ہے کہ وہ جنرل قاسم سلیمانی کی ہلاکت کا بدلہ لینے کا عہد کرتے ہیں۔غیرملکی خبررساں ادارے کے مطابق ایران سے اظہار یکجہتی کرتے ہوئے قتل کا فوری بدلہ لینے کی ضرورت پر زور دیتے ہوئے حوثی
رہنما محمد علی الحوثی نے اپنی ٹویٹر پیغام میں کہا کہ ایران بدلہ لینے کی صلاحیت رکھتا ہے، تاہم اس کام میں دیر ایران کے مفاد میں نہیں۔ بدلہ لینے میں تاخیر کا ایران کو کوئی فائدہ نہیں ہو گا،انہوں نے کہاکہ امریکا کو جاننے والوں کو جلد ایکشن کی اہمیت کا اندازہ ہے۔ بااختیار لوگوں کو بیانات کی جنگ سے خود کو دور رکھنا چاہیے۔
