پیرس (این این آئی) ایران اور امریکا کے درمیان بڑھتی کشیدگی کے سبب فرانسیسی صدر ایمانیول میکرون متحرک ہو گئے۔غیرملکی خبررساں ادارے کے مطابق فرانسیسی ایوان صدر نے بتایاکہ ایمانیول میکرون نے گزشتہ روز متعدد رہنماؤں سے ٹیلی فون پر بات کی، اس دوران عراق میں امریکی حملے کے نتیجے میں ایرانی جنرل قاسم سلیمانی کی ہلاکت کے باعث خطے میں پھوٹ پڑنے کے خدشے سے متعلق بات چیت کی۔ایمانوئل میکرون نے عراقی صدر بر ھم صالح سے بھی بات کی اور طاقتور ایرانی جنرل قاسم سلیمانی
کی عراق میں ایک امریکی حملے میں ہلاکت کے بعد کشیدگی میں مزید اضافے سے متعلق تبادلہ خیال کیا۔دونوں صدور نے تناو میں مزید اضافے سے بچنے کے لیے قریبی رابطے میں رہنے پر اتفاق کیا اور مجموعی طور پر عراق کے خطے اور اس کے استحکام پر کام کرنے پر اتفاق کیا۔ایمانوئل میکرون نے ابو ظہبی کے ولی عہد شہزادہ شیخ محمد بین زید، متحدہ عرب امارات کے رہنماؤں کے ساتھ بھی ٹیلی فونک رابطے کیے، جن میں انہوں نے تمام اسٹیک ہولڈرز کے ساتھ مل کر کام کرنے پر اتفاق کیا۔
