بغداد(آن لائن)عراقی آئل فیلڈز میں کام کرنیوالے امریکی شہریوں نے رخصت لیتے ہوئے دوسرے ممالک کا رخ کر لیا ہے۔غیرملکی خبررساں ادارے کے مابق عراقی وزارت تیل کے ترجمان نے تصدیق کی کہ ایرانی جنرل قاسم سلیمانی پر ہلاکت خیز حملے کے بعد امریکی شہریوں

نے عراق چھوڑنے کا سلسلہ شروع کر دیا ہے۔ ترجمان نے مزید کہا کہ ابھی تک عراقی آئل فیلڈز پر کوئی غیر معمولی صورت حال نہیں دیکھی گئی اور سب کچھ معمول کے مطابق ہے۔ اس سے قبل عراق میں امریکی سفارتخانے نے اپنے شہریوں کو فوری طور پر عراق چھوڑنے کی ہدایات دیں۔