اسلام آباد(مانیٹرنگ ڈیسک) نئی دہلی میں موجود ایک فیکٹری میں آگ لگنے سے 40مزدور ہلاک ،متعدد زخمی ۔بھارتی میڈیا کے مطابق آگ فیکٹر ی کے کئی منزلہ پرانے کوارٹرز میں لگی جس پر قابو پانے کیلئے فائربریگیڈکی بھاری نفری موقع پر پہنچ گئی ۔ آگ اس وقت لگی جب کوارٹرز میں لوگوں کی بڑی تعداد سو رہی تھی۔

جس فیکٹری کو آگ لگی وہ شہر کے ا نتہائی گنجان آباد علاقہ میں موجود ہے جہاں چھوٹی مارکیٹیں اور گھر موجود ہیں۔تنگ راستوں کی وجہ سے امدادی کارروائیوں میں مشکلات پیش آرہی ہیں۔پولیس کے مطابق پچاس افراد کو بچالیاگیا،دوسری جانب بھارتی وزیر داخلہ امیت شاہ نے واقعے کو قیمتی جانوں کا غمناک نقصان قراردیا ہے۔