”میرے استعفے سے فرق نہیں پڑتا لیکن اپنے ضمیر کو جواب دینا ہے“ مقبوضہ کشمیر میں بھارتی مظالم کے خلاف انڈین سول سروس آفیسر کنن گوپی ناتھن نے استعفیٰ دیدیا، حکومت کو کھری کھری سنا دیں

  اتوار‬‮ 25 اگست‬‮ 2019  |  21:20

اسلام آباد (مانیٹرنگ ڈیسک) مقبوضہ کشمیر میں انسانیت سوز کارروائیوں پر سرکاری ملازمین بھی مودی حکومت سے نالاں، مقبوضہ کشمیر میں بھارتی مظالم کے خلاف انڈین سول سروس آفیسر کنن گوپی ناتھن نے استعفیٰ دیدیا، بھارتی میڈیا کے مطابق 33 سالہ گوپی ناتھن کا تعلق ایڈمنسٹریٹو سروس سے ہے، ان کا کہناہے کہ میرے استعفے سے فرق نہیں پڑتا لیکن اپنے ضمیر کو جواب دینا ہے، گوپی ناتھن نے کہاکہ میں نے سول سروس اس یقین کے ساتھ جوائن کی کہ دوسروں کی آواز بن سکوں لیکن میں اپنی آواز اٹھانے سے قاصر ہوں، میں اپنے استعفے سے اپنی آزادی واپس


حاصل کروں گا۔ انہوں نے کہا کہ وہ مقبوضہ جموں و کشمیر کی صورتحال پر بہت پریشان ہے جہاں ایک بڑی آبادی کے انسانی حقوق سلب ہیں۔

موضوعات:

loading...