ریاض(آن لائن)سعودی عرب میں اگلے دو سال کے دوران دو آرٹ اکیڈمیو ں کا قیام عمل میں لایا جائے گاجو ایک اہم قدم ہوگا۔فنون لطیفہ، ورثہ اور موسیقی کے ذریعے سے ملک کی اہمیت کو اجاگر کیا جائے گا۔یہ فیصلہ وزارت ثقافت کے معیار زندگی پروگرام کا حصہ ہے۔وزیر ثقافت شہزادہ بدر بن عبد اللہ بن محمد بن فرحان نے کہا ہے تعمیری صلاحیت پر خرچ کرنا ایک بہت ہی اہم عنصر ہے جس سے ثقافتی شعبے کو اجاگر کرنے میں مدد ملے گی۔ فرمانروا شاہ سلمان اور
ولی عہدمحمد بن سلمان اس فیصلے کے مکمل حامی ہیں۔شہزادہ بدر نے مزید کہا کہ سعودی عرب آرٹ، فطری استعداد اور فنی ورثے سے مالامال ہے۔ اس ضمن میں اکیڈمیوں کا قیام تعلیمی قابلیت میں اضافے اور ملک میں آرٹ کے فروغ کے لیے پہلا باضابطہ قدم ہوگا۔ ثقافت، راویات اور فنون لطیفہ کے لیے شروع کی جانے والی اکیڈمی 2020 ء میں حزاں کے سمسٹر کے داخلے کے لیے درخواستیں وصول کرنا شروع کر دے گی۔1000 طلباء وطالبات کو داخلے دیے جائینگے۔
