واشنگٹن /ریاض/استنبول(آن لائن)سعودی صحافی جمال خشوگی کے بچوں نے والد کے قتل کے بدلے دیت کی رقم قبول کر لی ہے ،مقتول کے 2بیٹوں اور ایک بیٹی کو لاکھوں ڈالر کے قیمتی گھر دے دیئے گئے ۔غیر ملکی خبر رسا ںادارے کے مطابق امریکی نشریاتی ادارے ’’واشنگٹن پوسٹ‘‘کے لئے کام کرنے والے مشہور سعودی صحافی جمال خشوگی کے قتل کے معاملے میں ایک نیا موڑ منظر عام پر آ گیا ہے۔خبر رساں ادارے کے مطابق سعودی
سفارت کاروں کے ہاتھوں بہیمانہ طریقے سے قتل کیے جانے والے عالمی شہرت یافتہ صحافی جمال خشوگی کے بچوں نے والد کے قتل کے بدلے دیت کی رقم قبول کر لی ہے۔ اس دیت کے سلسلے میں جمال خشوگی کے 2 بیٹوں اور 1بیٹی کو لاکھوں ڈالر کے قیمتی گھر دیئے گئے ہیں اس کے علاوہ ہر مہینے ایک بڑی رقم خرچے کی مد میں بھی دی جائیگی۔جمال خشوگی کے بچوں پر دیت کے بدلے مزید قیمتی تحائف اور رقوم سے بھی نوازا جائیگا۔
