واشنگٹن(آئی این پی)چین کے بڑھتے ہوئے معاشی اور سیاسی عالمی اثر و رسوخ کا مقابلہ کرنے کیلئے امریکی صدر ڈونالڈ ٹرمپ غیر ملکی امدادمیں اہم توسیع کررہا ہے جس کے مطابق امریکہ افریقہ، ایشیا اور امریکی ممالک میں بنیادی ڈھانچے کے منصوبوں میں سرمایہ کاری کرے گا. اس سلسلے میں امریکی صدر ٹرمپ نے

ایک ہفتہ قبل بل پر دستخط کئے ہیں،جس کے تحت امریکی بین الاقوامی ڈویلپمنٹ فنانس کارپوریشن کی ایک نئی غیر ملکی امدادی ایجنسی تشکیل دی گئی ہے اور اسے قرض دینے کے لیے 60 بلین ڈالر قرضوں، قرض کی ضمانتوں اور انشورنسوں کو کاروبار کرنے کے لئے تیار کرنے کا اختیار دیا گیا ہے .اس کا مقصد ایشیاء،مشرقی یورپ اور افریقی ممالک میں چین کے اثروسوخ کو روکنے کیلئے سرمایہ کاری کرنا ہے،اب صدر ٹرمپ آگ کا جواب آگ سے دینا چاہتے ہیں۔چین نے پانچ سال قبل ون بیلٹ ون روڈ کا منصوبہ پیش کیا تھا جس کے ذریعیوہ 100ترقی پذیر ممالک کو سینکڑوں ارب ڈالرکی سرمایہ کاری فراہم کر رہا ہے۔خاص طور پر پاکستان اور نائجیریا کو۔ ریپبلکن سینیٹر باب کروکر جو سینیٹ کی غیر ملکی تعلقات کمیٹی کے چیئرمین بھی ہیں نے کہا ہے صدر ٹرمپ کا یہ منصوبہ ایک اہم پیش رفت ہے اس سے معلوم ہوتا ہے کہ محض فوجی طاقت میں اضافہ کا تاثر دے کا ہم چین کا مقابلہ نہیں کر سکتے، ہم دیکھ رہے ہیں کہ چین افریقہ اور جنوبی افریقہ میں کام کر رہا ہے لوگ جا رہے ہیں اس لیے ہمیں ان ممالک میں کام کرنا چاہیے۔